МБОО Чымнайская СОШ

МБОО Чымнайская СОШ

Официальный сайт Муниципальной Бюджетной Общеобразовательной Организации «Чымнайская средняя общеобразовательная школа имени Г.Д. Бястинова — Бэс Дьарааhын» муниципального района «Таттинский улус» Республики Саха (Якутия)

Акция «Өрүөл кэриэһэ»

Убаастабыллаах биир дойдулаахтарбыт
«Туллукчаан» оҕо библиотеката
олунньу 13 күнүгэр
Былатыан Ойуунускай
«Өрүөл кэриэһэ»

хоһоонун оскуолала оҕолоро ааҕан кыттыыны ыллылар.

История чахчыта: 1923с. олунньу 13 күнүгэр генерал Анатолий Пепеляев хамандыырдаах үрүҥнэр
Саһыл Сыһыыга Иван Строд  этэрээтин хаайбыттара. Үс  нэдиэлэ  барбыт кыргыһыы түмүгэр кыһыллар 282 байыастан 63-һү сүтэрбиттэрэ, 96 киһи бааһырбыта. Үрүҥнэртэн  сүүстэн тахса киһи өлбүтэ уонна бааһырбыта биллэр. Кулун тутар 2 күнүгэр Байкалов хамандыырдаах Дьокуускай гарнизона бүтүннүү кэлэн Амманы үрүҥнэртэн босхолообута. Саһыл Сыһыы төгүрүктээһинэ түмүктэммитэ.
 «Өрүөл кэриэһэ» хоһоон Сергей Юльевич Широких – Полянскай диэн кыһыл комиссарга анаммыта биллэр.

Будулҕан тумаҥҥа, чыгдааннаах дьыбарга
Буорахпыт буруота бypҕaҥнaaн оргуйар;
Түүннэри-күннэри түрбүөтээн ытарга
Түннүктүүн,үөлэстиин барыта доргуйар

Биэс тарбах доҕоро бинтиэпкэ тиҥийэр,
Быысталы
биэрбэккэ буулдьабыт ыйылыыр;
Бааһырбыт бассабыык өрүтэ мэҥийэр,
Баастарын
көрдөрөр, хаанынан  хардыргыыр

«Хамандыыр! Хаанхааҥҥа! Кэннинэн кэхтимэ!
Хаатырга-хандалы хараҥа хаайыытын
Хайыта сынньартан харыастан биэримэ, Хаппытаал-хабала ханна даа хаалбатын!

Үлэһит былааһын көмүскүөх буоламмыт
Үҥүүнү-ыстыыгы тутаммыт турбуппут,
Өлөртөн куттаммат өрүөллэр буоламмыт Өлөрсөр-охсуһар өpгөһү  туппуппут

Адаардаах арҕастаах таас дьааҥы анныгар, Аргыардаах Аммаҕа, мууһурбут буоругар Хааннарым тохтоннор мин өлөн эрэбин,
Хараҕым сабыллан мин ииҥҥэ киирэбин

Баандаҕа баспытын биэриэхпит кэриэтин
Харса суох санаабыт халлааны хамнатыа,
Убайар-эргийэр күлүмнүүр күн иитин
Халыйар хааннарбыт уулларан убатыа

Бинтиэпкэ доҕордоох буойуттар этибит, —
Мин
өллүм мин эппин кириэппэс oҥopyҥ! Кытара сандааран убайан тэтэрбит
Кытыастар былааҕы үрдүбэр туруоруҥ!

Өлбүппүт даҕаны өлөрсө сытыахтын
Мин
эппин таһааран хаххата oҥocтуҥ!
Өллөрбүн даҕаны өстөөхпүт буулдьатын Өттүкпэр-сүрэхпэр түһэрэн тохтотуҥ!»

Адаардаах арҕастаах таас дьааҥы анныгар,
Аргыардаах Аммаҕа, мууһурбут буоругар Бааһырбыт бассабыык кэриэһин эппитэ,
Барыбыт бааһырбыт сүрэхпит тэппитэ

 

164 просмотров всего, 2 просмотров сегодня